மணிமேகலையில் அறிவுரை ,அறவுரை .

                       இசைநிறை வீடு

நாவல் மரமேறி

அணிலைத் துரத்தி தோற்ற

நல்லப்பாம்பு கீழிறங்கிச் செல்கிறது .

சாம்பல் குருவியை குறிவைத்து

தோற்றுப் போனது பூனை .

நாட்டவரைப் பூ மீதும்

சுண்டைப் பூ மீதும் அமர்ந்து நகர்ந்து

பறக்கிறது வண்டு .

புங்கு , மருது , முருங்கை  என ,

இவற்றோடு பெயர் தெரியாத சில மரங்கள்

குளிர் காற்றில் அசைகின்றன .

புதர் போன்று வளர்ந்துள்ளன

முல்லை , பிச்சி , ரோஜா  செடிகள் ;

அதற்குள் ஒரு தேன்கூடு , ஒரு தேனீக் குடும்பம்

சில எலுமிச்சைச் செடிகள் அவற்றில்

நட்சத்திரங்களாய் சில பழங்கள் .

சுண்டைக் காய்களை உண்டு பசியாறும் கருங்குயில்கள் ;   

இவற்றிடையே நறுமணம் பரப்புகிறது எங்கள் வீடு .

தேன் சிட்டு மரகதப் புறா நெல்லுச் சிட்டு என

இவற்றோடு இணைந்து இசைக்கிறது எங்கள் வீடு .

                                              தமிழாசிரியன்

                                                           ஓசை 

             பாத்திரங்களை உருட்டிய குட்டி யானை

             ஊர்ந்து திரிந்த ஆமை 

             வீடுமுழுவதும் கனைத்த குதிரை

             அகவித் திரிந்த மயில்

             முழங்கிய சிங்கம்

             மியாவ் ! மியாவ் ! பூனை

             துள்ளியோடிய புள்ளி மான்

             அனைவரும் ஒடுங்கி இருந்தனர் வீட்டு மூலையில்

             ஆம் எனது மகள் எல் கே ஜி யில் சேர்ந்துவிட்டாள் .

                உரையாடல்

              பூனை , மியாவ் ! என்றது .

              சிறுமியோ

              என்ன பசிக்குதா ? என்றாள் .

              பூனை , மியாவ் மியாவ் ! என்றது

              அப்பா மதியம் சாப்பாடு தரலியா ? என்றாள் சிறுமி .

              பூனை மியாவ் மியாவ் ! என்றது .

              இரு ! இந்தா அதிரசம் சாப்பிடு ;

              டோன்ட் டாக் கட்டளைக்கு

              பகல் முழுவதும் பள்ளியில் கட்டுப்பட்ட சிறுமி

              பூனையோடு உரையாடிக் கொண்டிருந்தாள் .