தமிழாசிரியன்

                                                           ஓசை 

             பாத்திரங்களை உருட்டிய குட்டி யானை

             ஊர்ந்து திரிந்த ஆமை 

             வீடுமுழுவதும் கனைத்த குதிரை

             அகவித் திரிந்த மயில்

             முழங்கிய சிங்கம்

             மியாவ் ! மியாவ் ! பூனை

             துள்ளியோடிய புள்ளி மான்

             அனைவரும் ஒடுங்கி இருந்தனர் வீட்டு மூலையில்

             ஆம் எனது மகள் எல் கே ஜி யில் சேர்ந்துவிட்டாள் .

                உரையாடல்

              பூனை , மியாவ் ! என்றது .

              சிறுமியோ

              என்ன பசிக்குதா ? என்றாள் .

              பூனை , மியாவ் மியாவ் ! என்றது

              அப்பா மதியம் சாப்பாடு தரலியா ? என்றாள் சிறுமி .

              பூனை மியாவ் மியாவ் ! என்றது .

              இரு ! இந்தா அதிரசம் சாப்பிடு ;

              டோன்ட் டாக் கட்டளைக்கு

              பகல் முழுவதும் பள்ளியில் கட்டுப்பட்ட சிறுமி

              பூனையோடு உரையாடிக் கொண்டிருந்தாள் .